So mancher wird gern im Advent,
de er de staade Zeit a nennt,
besinnlich, weil des grad so passt
und moant, er hot den Sinn erfasst.
Denn wenn de Kerz´n alle brenna,
do duat des Guate er erkenna,
er red vom Fried´n, der uns fehlt
und streicht des Böse aus der Welt.
Er woaß auf oamoi, in der Zeit,
dass er koan Kriag wui und koan Streit.
Doch wer danach ois ander´ macht,
dem hot des Wort Advent nix bracht.
Vier Woch´n lang, bei Kerz´nschein,
a braver, guater Mensch zu sein,
bloß in Gedank´n hot koan Sinn,
im Wort „Advent“ liegt mehra drin.
Advent, hoaßt, in sich einehör´n
so wia man denkt, a wirklich wern,
und dann so bleib´n, net wieder wandl´n
und´s ganze Leb´n lang, danach handl´n
Von Erika Neumeier, Teisendorf
Eine friedliche
Adventzeit
WaltraudD
